संसारकै महँगा मोबाइल, मूल्य सुन्दा होस् नै उड्ने !

अहिलेको समयमा धेरै महँगा मोबाइल फोनहरु बजारमा आइरहेको बेलामा विश्वकै महँगो फोनाहरुको लिस्ट सार्बजनिक भएको छ । मानिसहरु धेरै महँगो मोबाइल आफ्नो सौखको लागि प्रयोग गर्ने गर्छन् । पछिल्लो समय मोबाइल व्यक्तित्वमा निखार ल्याने वस्तुको रुपमा पनि लिन थालिएको छ ।
यी हुन् विश्वका महँगा मोबाइल फोनहरुः
वेर्टू सिग्नेचर डायमन्ड : वेर्टू एक लग्जरी फोन कम्पनि रहेको छ। यस कम्पनि महँगो मोबाइलहरु बनाउने गर्छ। वेर्टूको यस फोन प्लेटिनमबाट बनेको छ। यस फोनको मुल्य अन्तराष्ट्रिय बजारमा ८८००० अमेरिकन डलर रहेको छ। यस कम्पनीमा हरेक फोनहरु हातलेनै बनाउने गरिन्छ।

आईफोन प्रिन्सेस प्लस : यस फोन एप्पल कम्पनिले दिजैना गरेको हो भने यस मोबाइल सुन र १८० हिरा जडित गरेर बनाइएको छ। यस फोनको मूल्य अन्तराष्ट्रिय बजारमा १७६,५०० अमेरिकन डलर पर्ने गर्छ।
गोल्डविश ले मिलियन : यस फोन इम्मानुएल गुएतले डिजाइन गरेका हुन्। उनले डिजाइन गरेको यस मोबाइलको मूल्य अन्तराष्ट्रिय बजारमा १३ लाख अमेरिकन डलर पर्ने गर्छ। इम्मानुएलले यस फोन गिनीज वर्ल्ड बुकमा सामेल गराउन सफल भैसकेका छन्।
सुप्रीम गोल्डस्त्रिकर आईफोन ३न् : यस फोनमा २७१ ग्राम सुन प्रयोग भएको छ भने विभिन्न ५१ हिरा जडित समेत गरिएको छ। यसको होम बटनमा पनि हिरा प्रयोग गरिएको छ। यस मोबाइलको मूल्य अन्तराष्ट्रिय बजारमा ३२ लाख अमेरिकन डलर पर्ने गर्छ।

यस्ता छन् बिहान तातोपानीमा मह र कागती मिसाएर खाँदा हुने ९ फाइदा

१. पाचन सुधार्छ
पाचनलाई सुधार्नका लागि बिहान तातो पानीमा मह र कागती मिसाएर खानुपर्छ। यसले पेट सफा राख्न मद्दत गर्नुका साथै कलेजोमा रसको उत्पादनलाई बढाउँछ, जसबाट पाचन प्रक्रियामा मद्दत मिल्छ। कागतीमा रहेको एसिडले पाचनप्रणालीलाई मजबूत पार्न मद्दत गर्छ र अवान्छित विषाक्त पदार्थलाई बाहिर निकाल्छ। यसका अलावा महले एक एन्टीब्याक्टेरियलको रुपमा काम गर्छ र शरीरमा रहेको कुनै पनि प्रकारको संक्रमण हटाउँन मद्दत गर्छ।

२. कब्जियत हटाउँछ
तातोपानीमा मह र कागती मिसाएर खानाले कब्जियतलाई समेत निको पार्ट। यसले आँतलाई प्रोत्साहित गरेर दिसा खलास गर्नमा सहयोग गर्छ। यसका अलावा यसले आन्त्र म्युकसलाई बढावा दिन्छ। सुख्खा भएको दिसालाई भिजाउँछ। यसले दिसा गर्न सहयोग गर्छ।

३. लिम्फेटिक सिस्टमको सफाईमा सहयोगी
लिम्फेटिक सिस्टममा पानी र आवश्यक तरल पदार्थको कमी भएमा थकान महसुस हुन्छ। कब्जियत, सुत्न समस्या, उच्च या न्युन रक्तचाप, तनाव र मानसिक स्वास्थ्यमा असर पर्छ। बिहान–बिहान यो मिश्रण पिउनाले लिम्फेटिक सिस्टम सुख्खा हुन मद्दत गर्छ, जसबाट प्रतिरक्षा प्रणालीमा पनि सुधार हुन्छ।

४. मुख स्वास्थ्यमा सुधार
एसिडिक प्रकृतिको कागती, मह र तातो पानी पिउनाले मुख गन्हाउने समस्या समाधान हुन्छ। कागतीले आक्रामक ब्याक्टेरियालाई मारेर मुख शुद्ध गर्न मद्दत गर्छ। मुख गन्हाउने मुख्य कारण जिब्रोमा जमेको सेतो भाग (खाद्य तथा ब्याक्टेरियाका कारण यस्तो हुन्छ) पनि हो। कागतीसहितको यो मिश्रणले यस्तो सेतो भागलाई हटाएर मुख गन्हाउने समस्या प्राकृतिक रुपमा हटाउँछ।

५. मूत्रबद्र्धक रुपमा कार्य गर्छ
महमा शक्तिशाली एन्टीब्याक्टेरियल गुण हुन्छ। यसमा कैयौ प्रकारको संक्रमण हटाउने क्षमता हुन्छ। कागती, तातो पानी र महको मिश्रणले एक उत्कृष्ट मूत्रल (शरीरबाट पानी बाहिरनिकाल्ने तत्व) को रुपमा काम गर्छ। मूत्रमार्गलाई सफा गर्ने यो सबैभन्दा राम्रो तरिका हो। युटिआई या मूत्रमार्ग संक्रमणबाट पीडित महिलाका लागि यो मिश्रण वरदान साबित हुन्छ।

६. इनर्जी लेबल बढाउँछ
मह र तातो पानीको मिश्रणले शरीरमा इनर्जी वृद्धि गर्छ। शरीरमा बढी इनर्जी उत्पन्न हुँदा शरीरको मेटाबोलिज्म र कार्यप्रणालीमा वृद्धि हुन्छ। महले शरीरका अंगलाई ठीक ढंगबाट काम गर्न प्रेरित गर्छ। बिहान तातो पानी तथा कागतीका साथ मह लिनाले शरीर दिनभर उर्जावान बन्छ।

७. तौल घटाउन उपयोगी
मह, कागती र तातोपानीको मिश्रण सेवन गर्नाले भोक पनि कम लाग्छ। यसमा फाइबर पाइन्छ,जसले भोक र सुगर लेबललाई कम गरी पर्याप्त इनर्जी प्रदान गर्छ। यसैले नियमित रुपमा बिहान यसको सेवन गर्नाले दिनभर खाने खानामा पनि कमी हुन्छ। जसबाट तौल घटाउन पनि मद्दत मिल्छ।

८. पोषक तत्व र भिटामिनले भरपूर
मह र कागतीका साथ तातो पानी सेवन गर्दा शरीरका लागि एन्टीअक्सिडेन्ट, भिटामिन र अन्य पोषकतत्व पाइन्छ। यसका अलावा यसमा एन्टिइन्फ्लामेटोरी गुण पनि पाइन्छ। यसैले यसको सेवनले शरीरको रोगप्रतिरोधी प्रणाली मजबूत हुन्छ।

९ . रोग प्रतिरोधी क्षमता मजबूत हुन्छ
यसको नियमित सेवनले शरीरको प्रतिरोधी क्षमतामा वृद्धि हुन्छ। मह र कागतीमा भएको एन्टिअक्सिडेन्ट र अन्य पोषक तत्वले मौसम परिवर्तनसंगै हुने संक्रमणबाट पनि बचाउँछ।

Leave a Reply

Your email address will not be published. Required fields are marked *